NOVA ORDE DE VALIDACIÓN DE MÓDULOS DE FP

Orde ECD/2159/2014, de 7 de novembro, pola que se establecen validacións entre módulos profesionais de formación profesional do Sistema Educativo Español e medidas para a súa aplicación e se modifica a Orde do 20 de decembro de 2001.




Nesta Orde establécense validacións de módulos entre diferentes título de FP para que sexan resoltas pola Dirección do Centro Educativo, polo que as validacións nela recollidas xa non se enviarían ao MECD.

BOLSAS DO MECD PARA ESTUDAR FP

Está aberto o prazo para a solicitude de bolsas que o MECD convoca anualmente para as ensinanzas postobrigatorias, entre elas as de Formación Profesional ofertadas no CIFP: Ciclos Formativos de Grao Medio, Ciclos Formativos de Grao Superior e Formación Profesional Básica.

   A solicitude realízase de xeito telemático na sede electrónica do Ministerio de Educación.

   O prazo de presentación remata o 30 de setembro de 2014.

   Acceso ao trámite
   Convocatoria no BOE
   Máis información

PONTEEMPREGO- FEIRA DO EMPREGO DE PONTEVEDRA

Os días 25 e 26 de xuño desenvolverase no Pazo de Cultura a III Edición da Feira de Emprego de Pontevedra.

Durante a Feira haberá un programa de conferencias, obradoiros formativos (previa inscrición) e un espazo expositivo con stands de empresas e institucións.

Asimesmo, contarase cunha bolsa de contratación dirixida a persoas desempregadas ou que queiran mellorar as súas condicións actuais de emprego. As ofertas de emprego poden consultarse no Boletín informativo do Ponteemprego do 11/06/2014. En cada oferta detállanse os requisitos, as condicións e un enderezo electrónico ao que remitir os currículos (Na Feira non se recollerán currículos).

Máis información

MATRICULA ANTICIPADA NAS PAU PARA ALUMNADO DE FP

O alumnado de FP de anos anteriores que estea en posesión do título de Técnico Superior ou equivalente, así como o alumnado de FP que estea en disposición de acadar o título na convocatoria de xuño de 2014, para poder examinarse da fase específica da PAU deberá formalizar a matrícula da mesma.

O prazo establecido abrangue do 13 ao 31 de maio e o lugar para efectuala será o LERD de Pontevedra ( LERD 7  Campus de Pontevedra,  E.U. de Enxeñería Técnica Forestal, Área de Servizos á Comunidade - Campus A Xunqueira 36005 Pontevedra Tel.: 986.801949 Fax: 986.802060)
Previamente solicitarán na Secretaría do CIFP unha Certificación Académica, que entregarán no LERD.

Máis información:
PAU, notas de corte, parámetros de ponderación das materias da fase específica,...
Acceso á universidade para o alumnado de Formación Profesional

BOLSAS FEUGA PARA A INSERCIÓN LABORAL

FEUGA e a Fundación Alcoa poñen en marcha unha iniciativa para facilitar a inserción laboral de 50 mozos e mozas desempregados/as.
Requisitos dos aspirantes: estar en posesión dun título universitario ou de Formación Profesional, ter entre 18 e 24 anos e cumprir as condicións para obter unha bolsa FEUGA.
Os/as becarios/as seleccionados recibirán formación teórica a cargo de FEUGA e disfrutarán dunha bolsa retribuida de dous meses nunha pyme industrial na Comunidade.
As prácticas na empresa serán de dous meses a media xornada ou de un mes a xornada completa, preferentemente nos meses de xuño e xullo de 2014
Máis información

II PREMIOS GAIÁS-SIXTO SECO

A Cidade da Cultura de Galicia convoca a segunda edición dos premios Emprende Gaiás-Sixto Seco, concurso de ideas e proxectos innovadores co que dar apoio aos emprendedores e emprendedoras  e dinamizar as industrias culturais de Galicia.

Poderán participar nesta convocatoria os titulados e tituladas de ciclos medios e superiores de Formación Profesional.
Xunto coa solicitude de participación, os interesados/as deberán presentar os seus traballos e documentación acreditativa da súa formación á Fundación Cidade da Cultura de Galicia antes do 31 de agosto.
Bases e solicitude de inscrición.

CERTAME COOPERATIVISMO NO ENSINO 2014

A Consellería de Traballo  e Benestar convoca o Certame Cooperativismo no ensino co obxecto de promover e difundir o cooperativismo entre o alumnado e profesorado.
A modalidade de participación para o alumnado e profesorado de FP é un concurso de proxectos empresariais cooperativos.
O prazo de presentación de solicitudes está aberto ata o 15 de maio de 2014.
Máis información

PRESENTACIÓN DO LIBRO "MATRIARCAS, MULLERES EN PÉ DE VIDA"

Este xoves, 13 de febreiro de 2014, contaremos coa presenza de Montse Fajardo, periodista vilagarciana, que virá a presentarnos o seu primeiro libro “Matriarcas, Mulleres en Pé de Vida”.

“Matriarcas”, recolle as testemuñas de dez mulleres de distintos puntos de Galicia que, contando as súas vidas, destripan a realidade do matriarcado que sostiña a sociedade galega da posguerra.

O perfil das entrevistadas é heteroxéneo. A meirande parte coinciden no mesmo tramo de idade (naceron nos anos 20 e 30), máis pertencen a profesións, status social e lugares distintos.

Nesta ocasión estará acompañada por Gloria Lijó, protagonista de un dos dez capítulos do libro e a primeira muller enrolada nun barco que ía á pescada en Marrocos.

Esta actividade está incluída no Programa “Memoria de mulleres na escola” no que participa este CIFP e pretende servir de estímulo e modelo para os traballos de investigación e recompilación a desenvolver polo alumnado.

O encontro terá lugar no Salón de Actos do CIFP ás 10:30 h.

Enlace de interés